Новости епархии
 
  Архив новостей
 
  Карта сайта

Молитва лишившегося супруги

Молитва лишившегося супруги

Христе Иисусе, Господи и Вседержителю! В сокрушении и умилении сердца моего молюся Тебе: упокой, Господи, душу усопшия рабы Твоея (имя) в Небесном Царствии Твоем. Владыка Вседержителю! Ты благословил еси супружеский союз мужа и жены, егда рекл еси: не добро быти человеку единому, сотворим ему помощника по нему. Ты освятил еси союз сей во образ духовнаго союза Христа с Церковию. Верую, Господи, и исповедую, яко Ты благословил еси сочетати и мене сим святым союзом с единою из рабынь Твоих. Твоей же благой и премудрой воли изволися отьяти у мене сию рабу Твою, юже дал еси мне, яко помощницу и сопутницу жизни моея. Преклоняюся пред сею Твоею волею, и молюся Ти от всего сердца моего, приими моление сие о рабе Твоей (имя), и прости ей аще согреши словом, делом, помышлением, ведением и неведением; аще земное возлюби паче небеснаго, аще о одежде и украшении тела своего печеся паче, неже о просвещении одеяния души своея, или аще небреже о чадех своих; аще преогорчи кого словом или делом; аще поропта в сердце своем на ближняго своего, или осуди кого, или ино что от таковых злых содела. Вся сия прости ей, яко Благий и Человеколюбивый: яко несть человек, иже жив будет и не согрешит. Не вниди в суд с рабою Твоею, яко созданием Твоим, не осуди ю по грехом ея на вечныя муки, но пощади и помилуй по велицей милости Твоей. Молю и прошу Тя, Господи сил, даруй ми по вся дни жизни моея не преставати молитися о усопшей рабе Твоей, и даже до кончины живота моего просити ей у Тебе, Судии всего мира, оставления согрешений ея. Да яко же Ты, Боже, положил еси на главу ея венец от камене честна, венчая ю зде на земли, тако увенчай ю вечною Твоею славою в Небесном Царствии Твоем, со всеми святыми, тамо ликующими, да вкупе с ними вечно воспевает всесвятое имя Твое, со Отцем и Святым Духом. Аминь.

Разделы

 

Сайт создан по благословению Управляющего епархией епископа Барнаульского и Алтайского Максима
© 2004-2010, Барнаульская епархия РПЦ

При перепечатке материалов сайта просьба указывать
ссылку на  http://altai.eparhia.ru
Создание и поддержка - проект «Епархия»
Сайт управляется системой «Экспресс-Веб»

Создание и поддержка -
Проект «Епархия»

Сайт управляется системой
«Экспресс-Веб»